Guardia Di Financa dhe policia e Barit, kanë realizuar ditën e sotme një operacion antidrogë duke shkatërruar një rrjet të madh trafikantësh, që merrnin nga Shqipëria drogë dhe armë.
Sipas gazetës “La Repubblica”, mes 20 të arrestuarve janë edhe shqiptarët Kristo Janku, i cili njihej edhe me nofkën ‘Daja’, Ilirian Gjonxha dhe Harrilla Helmi, si dhe Antonio Prudentino, djali i kreut të një prej klaneve kriminale në Brindisi.
Gjatë kontrollit, policia ka sekuestruar gjithashtu pasuri me vlerë 1 milionë euro, 10 pistoleta dhe dy kallashnikovë. Autoritetet italiane kanë sekuestruar edhe 8 gomone që përdoreshin për transportimin e lëndës narkotike.
Arrestimet e sotme përfaqësojnë epilogun e një hetimi të gjatë dhe kompleks të kryer nga dhjetori 2015 deri në shkurt 2017.
