Shqiptarin e gjen belaja në mes të aeroportit, i hapet valixhja, mijëra euro fluturojnë mbi dysheme

Një ngjarje aspak e zakontë ka ndodhur së fundmi në një nga aeroportet më të mëdhenj të Europës, në Schiphol të Holandës.

Një shqiptar ka rënë në pranga pasi u kap me një valixhe me mbi 50 mijë euro.

Sipas televizionit vendas WNL, 30-vjeçari kishte fluturuar nga Spanja drejt Holandës dhe tani do të akuzohet për pastrim parash.

Ai nuk ka mundur të shpëtojë nga survejimi i policisë, dhe valixhja i është hapur gjatë kontrollit të bagazheve.

Menjëherë pasi zinxhirët u hapën, shumë prej parave fluturuan duke u shpërndarë nëpër dysheme.

Shqiptari nuk ka dhënë asnjë shpjegim, ndërkohë që u arrestua menjëherë në aeroport.

Sipas rregullit udhëtarët duhet të tregojnë nëse kanë mbi 10 mijë euro në momentin që do të hipin në avion për të udhëtuar diku.