“Kjo që po bëni është krim” Mark Marku përplaset keq me ish-ministren: Ju s’keni etikë

Edhe mëngjesin e sotëm ka nisur sërish mbledhja e Komisionit të Edukimit dhe Medias ku është shoqëruar me tensione edhe debate të ashpra mes të pranishmëve, pasi po duskutohet për paketën anti-shpifje.

Në tryezë ndodhen edhe përfaqësues të mediave të ndryshme.

Midis tyre ka folur edhe Mark Marku ku ka renditur argumentat e tij pse kjo paketë është anti-ligjore dhe cënonn lirinë e medias.

Më pas Marku ka nisur të debatojë me ish-ministren e Kulturës Mirela Kumbaro, ku pas përplasjes kjo e fundit ka braktisur mbledhjen.

“Konceptualisht kjo procedure eshte jofuksionale pasi nuk permiresohet nje ligj qe cenon lirine e medias. Kushtetuta ia ndalon cdo organi ligjvenes qe te cenoje lirine e medias. Jeni futur ne nje procedure te nje ligji qe cenon lirine e medias.

Kjo qe ju Po beni eshte krim ose bashkepunim ne krim. Une si prof ne fakultetin e gazetarise nuk mund te behem bashkepunetor ne krim. Ky ligj minimalisht duhet te stopohet.

Nuk mendoj se si nje ligj mund te behet nga 12 deputete kur kane kunder cdo organizate per lirine e medias. Cenoni rende lirine e medias, nuk e di kush e ka bere kete ligj por ai qe e ka bere eshte injorant nga media.

Nuk quhet media e shtypur por shtyp i shkruar, ai qe e ka bere do ta shtype median. Mos beni ligje kot, sepse ne do e vazhdojme rezistencen tone dhe ky do jete ligj vetem ne letra Nese e beni”, tha Marku.

(Nderhyrje nga Mirela Kumbaro)

Mark Marku:  Trego pak edukatë se je dhe pedagoge.

Mirela Kumbaro: Të lutem zoti Marku trego etikë.

Mark Marku:  Oj gocë s’kam ardhur në furgon… Po deshe dëgjo, po deshe ik.

Mirela Kumbaro: Qetësohu zoti Marku…

Mark Marku:  Më duket vetja sikur jam në furgon, ne flasim ju bëni muhabet.  E keni bërë parlamentin si furgon dhe doni të na bëni ne ju..

Mirela Kumbaro: Qetësohu dhe ruaj etikën…

Mark Marku:  Për turp…

Mirela Kumbaro: Qetësohu dhe ruaj etikën…
Mark Marku: Mos më bërtit mua..

Fatjona Dhimitri: Vazhdoni zoti Marku..

Mark Marku:   Trego edukatë, edukatën e ke të detyruar.

Mirela Kumbaro: Qetësohu dhe ruaj etikën të lutem

Mark Marku: Po fole, unë do ngrihem dhe do i bëj thirrje dhe kolegëve të mijë të ikim..

Mirela Kumbaro: Mund të ikni, jeni të lirë ta bëni..

Fatjona Dhimitri: Mund të largoheni ju zonja Kumbaro s’ka përse të largohen të ftuarit.

Mark Marku: Po e bën këtë seancë sikur jemi në furgonin e linjës Tiranë-Vorë.

Mirela Kumbaro: Mungesë totale ektike. Ruaj etikën…

Mark Marku: Ju s’keni as etikë dhe as integritet. Jeni punëtor të një njeriu që thotë se do të shkelë lirinë e medias.

(Mirela Kumbaro largohet nga mbledhja)

Sadi Vorpsi: Nuk jemi punëtor. Jeni dhe pedagog.

Mark Marku: Në auditor jam i nderuar të flas..