Rikthehet paniku në Greqi, dy lëkundje të forta tërmeti godasin vendin

Edhe Greqia ditët e fundit duket se nuk po gjen qetësi nga lëkundjet e tërmetit.

Që pas tërmetit 6.4 ballë që goditi Shqipërinë mëngjesin e 26 nëntorit, lëkundjet në Greqi nuk kanë të ndalur pothuajse përditë.

E njëjta gjë ka ndodhur edhe orët e para të mëngjesit të sotëm, ku një tërmet me magnitudë 4.8 ballë e shkallës Rihter është regjistruar në Kretë, në zonën Agios Nikolaos.

Kjo lëkundje ka shkaktuar panik te banorët, të cilët kanë lënë me vrap shtëpitë e tyre edhe kanë dalë në rrugë.

Goditja ndodhi në orën 05:05 të mëngjesit të sotëm dhe sipas informacioneve që përcjell Instituti i Geodynamics, ishte 11 km në juglindje të Zakros, me thellësi lokale 15 km.

Më vonë, pas 21 minutash në orën 05:26, një tjetër tërmet i dytë me magnitudë 3.7 ballë i shkallës Rihter, është regjistruar 43 kilometra në juglindje të Zakros me thellësi lokale 10 kilometra.