Në lidhje me situatën e krijuar pas tërmetit tragjik të 26 nëntorit, kryetari i Partisë Agrare Ambientaliste, një nga aleatët më të fortë të Partisë Demokratike, Agron Duka ka komentuar për dëmtimet që kanë krijuar lëkundjet në qytetin e tij të lindjes, Shijakun.
Për këtë fakt, Duka ka shprehur gatishmërinë e tij për të ndihmuar banorët e Shijakut, qoftë edhe duke bashkëpunuar me kryeministrin Edi Rama.
Në një intervistë për “Ora News” ai ka sqaruar edhe mënyrën se si mund të bëhet ky bashkëpunim.
Por edhe pse u tregua i gatshëm për tu afruar në një bashkëpunim me Ramën, Duka nuk i ndal akuzat ndaj kryeministrit duke u shprehur se po sillet si një showmen në një situatë të tillë të rëndë.
“Jam shijakas, kam lind dhe rrit në Shijak, i njoh shtëpitë e Shijakut me familje dhe numër anëtarësh. Nëse do të caktojë njeri në Shijak të shkoj unë por të mos prek lekë me dorë, por të monitoroj çdo lloj fondi që hidhet atje dhe mënyrën sesi. Të firmosin të dy palët dhe pastaj të bëhen investimet atje.Se pyes opozitën në këtë drejtim, le të më thërrasë.Ta monitoroj dhe të mos shkojë asnjë lek dëm. Jam gati ta bëj.
Ai vazhdon të bëjë politikë dhe show sepse mundohet që këtë që ndodhi ta kthejë në favor të vet, piarin e ka të fortë, sajon ngjarje të tilla dhe më duket sikur po ndodh anasjellta. Ndërsa opozita po mundohet të nxjerrë në pah problemet reale që janë pos tërmetit, mazhoranca po bën shoë dhe politikë.”, u shpreh Agron Duka.
