Ambasadori i BE-së dhe e ngarkuara me punë e SHBA në Tiranë kanë zhvilluar një takim me Prokurorin e Përgjithshëm, Olsian Çela. Me anë të një postimi në Twitter, ambasadori i BE-së, Luigi Soreca, ka zbardhur edhe temat kryesore që ka biseduar me Olsian Çelën.
Ai shtoi gjithashtu se zgjedhja e tij në krye të Prokurorisë së Përgjithshme është një hap tjetër i rëndësishëm përpara zbatimit të reformës në drejtësi.
Postimi i Luigi Soreca:
“Së bashku me Leyla Moses-Ones sot takova Prokurorin e Përgjithshëm të sapozgjedhur Olsian Cela. Ne diskutuam përparësitë kryesore, përfshirë rolin kryesor të hetimeve financiare proaktive, veprimin e zyrave të prokurorisë pas tërmetit, si dhe për fazën kalimtare drejt krijimit të SPAK. Zgjedhja e Z. Cela paraqet një hap tjetër të rëndësishëm përpara në zbatimin e reformës në drejtësi, e cila është një përparësi kryesore për Shqipërinë në rrugën e saj të integrimit europian”
