Njoftim i rëndësishëm për pronarët e banesave të dëmtuara, hapat që duhen ndjekur për të marrë bonusin e qirasë

Banorët e Tiranës që u prekën nga dëmet që ka shkaktuar tërmeti i 26 nëntorit në shtëpitë e tyre, do të mund të përfitojnë nga bashkia Fondin e Qirasë.

Me anë të këtij fondi, Bashkia e Tiranës njofton se do u paguajë qytetarëve qiranë e shtëpisë për një vit, me vlerën e tregut.

Familjet që aplikojnë për përfitimin e bonusit të qirasë duhet të paraqiten pranë njësisë administrative ku kanë vendbanimin.

Dokumetacioni që duhet të dorëzojnë:

1. Formulari i aplikimit, i cili gjendet pranë njësisë administrative
2. Akt konstatimi i Institutit të Ndërtimit;
3. Certifikata familjare;
4. Numri i llogarisë bankare, ku do të derdhet pagesa e qirasë.