“E nisëm me probleme” Kryeprokurorit të Ri i ndodh e papritura në sallë gjatë fjalimit të parë

Në ambientet e Prokurorisë së Përgjithshme mëngjesin e sotëm u bë dhe dorëzimi i detyrës nga ish-kryeprokurja Arta Marku te pasardhësi i saj i ri Olsian Çela, që do të mbajë tashmë një mandate 7-vjecar pa të drejtën e rikandidimit.

Gjatë fjalimit të saj Arta Marku zbuloi se kishte qenë ish- shoqe klase me Olsian Çelën dhe ishte e lumtur që do t’ja linte stafetën këtij të fundit.

Por përpara se të mbante fjalimin në sallë, Kryeprokurorit të Ri Olsian Çela i ndodhi një e papritur në sallë.

Teksa mikrofoni kishte defekt dhe mediat i thanë se nuk dëgjohej, Çela bëri dhe një batutë ku u shpreh: E filluam me probleme.

Më tej komentoi dhe situatën pas tërmetit ku tha se ndodhen në një fazë të vështirë për shkak të ngjarjeve të fundit në muajin nëntor dhe u shpreh se njërëzit kërkonin drejtësi dhe që gjërat të bëhen konkrete.

“E vlerësoj se sot është më e rëndësishme se kurrë më parë transparenca që duhet të sigurojmë ndaj medias e publikut si mënyra më e mirë për të rritur besimin e institucioneve tek puna e prokurorise. E falënderoj kryeprokuroren Arta Marku për punën e bërë gjatë këtyre 2 viteve e vlerësoj se e ka bërë në një fazë mjaft të vështirë, tranzicioni ku vendi është përballur me probleme të mëdha e delikate. Besoj se ka bërë më të mirën e mundshme në këto kushte.

Tani hyjmë në një fazë të re, ka një konceptim tëresor të shtetit të së drejtës, institucioneve kushtetuese ku prokuroria ka pësuar edher ndryshimet më rrënjësore dhe kërkon një angazhim e konceptim të ri për mënyrën si ky organ do funksionojë. Janë mundësitë dhe mbështetja e kapacitetet për ti dhënë vendit një të ardhme më të mirë, që Shqipëria të bëhet pjesë e famijljes së madhe evropiane ku rezultatet e punës sonë kanë në rëndësi të jashtëzakonshme.

Sot ne ndodhemi në një fazë të vështirë, vendi po përballet me një krizë për shkak të ngjarjeve të fundit të muajit nëntor. Përgjigja që prokuroria duhet të japë në rastin konkret duhet të jetë, spikasë në raport me atë që po bëjnë institucionet e tjera, pasi njerëzit kërkojnë drejtësi, dhe gjërat të bëhen konkrete. Është një rast që jemi në lartësinë e asaj që pret vendi dhe njerëzit presin. Do të gjejmë të gjithë mekanizmat për të arritur atë që populli pret në raport me prokurorinë. Cdo gjë nuk shkon, vaj ndryshimet gjithmonë janë pozitive. Vendi është në rrugën e duhur dhe e ardhmja do të jetë më e mirë”, tha Çela.