LIGJET E BIZNESIT
Ditën e sotme në ambientet e Prokurorisë së Përgjithshme u bë dhe dorëzimi i detyrës te Kryeprokurori i ri Olsian Çela.
Paraardhësja e tij Arta Marku ishte e pranishme në sallë ku shprehu falenderimin e saj për kolegët vendas dhe të huaj si edhe për mediat.
Në fund të fjalës ajo është shprehur se ndihet e lumtur që detyrën ia pason ish-shokut të saj të klasës Olsian Çela.
“Që në ditën e parë jam munduar të punoj me dëshirë dhe përkushtim. Falenderoj të gjithë stafin. Puna juaj të nderuar kolegë më ka dhënë një eksperiencë të shkëlqyer. Falenderoj edhe përfaqësuesit e OPDAT dhe EURALIUS të cilët më kanë mbështetur.
Një falenderim e kam edhe për median, për hapësirën që më kanë dhënë, qoftë kur kanë qenë dashamirës, qoftë kur nuk kanë qenë, roli i tyre është i pazëvendësueshëm. Urime prokurorit të ri të përgjithshëm, Jam shumë e lumtur që detyrën ja pasoj ish-shokut tim të klasës. Jam e bindur që do të kaloni shumë mirë me të” u shpreh ish-Kryeprokurorja tashmë, Arta Marku.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
