LIGJET E BIZNESIT
Policia e Vlorës ka vendosur sekuestro preventive për disa pasuri që kapin vlerën rreth 500.000 euro, të cilat i përkasin shtetasit Luan Beshaj.
Dyshohet se kjo pasuri është përfituar nga veprimtaria kriminale e pastrimit të parave.
Sipas njoftimit zyrtar të policisë, Luan Beshaj ka qenë i dënuar më parë në Itali për veprën penale “Trafikim narkotikësh” dhe dyshohet se këto pasuri i ka ngritur mbi bazën e këtyre veprimtarive të paligjshme.
NJOFTIMI ZYRTAR I POLICISE
Në vijim të punës për gjurmimin, evidentimin dhe sekuestrimin e pasurive të përfituara nga veprimtaria kriminale, si dhe në kuadër të procedimit penal të nisur prej vitit 2014, Seksioni për Hetimin e Krimit Ekonomik e Financiar pranë Drejtorisë Vendore të Policisë Vlorë, në bashkëpunim me Prokurorinë e Vlorës, bënë zbatimin e vendimit penal të Gjykatës së Shkallës së Parë Vlorë, për vendosjen e sekuestros preventive mbi disa pasuri dhe objekte, si më poshtë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
- 2 apartamente banimi në Vlorë dhe Orikum;
- 1 pemishte në Radhimë;
• 2 automjete;
• 2 llogari bankare;
Vlera financiare e këtyre pasurive kap shifrën rreth 500 000 euro.
Këto sekuestrime pasurore janë në kuadër të procedimit penal proaktiv të vitit 2014, ndaj shtetasit L. B., si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.
Ky shtetas ka qenë i dënuar në Itali, për veprën penale “Trafikim narkotikësh” dhe dyshohet se këto pasuri i ka ngritur mbi bazën e këtyre veprimtarive të paligjshme.
Veprimet e tjera procedurale vijojnë nga Prokuroria pranë Gjykatës së Shkallës së Parë Vlorë.
