Policia zbarkon në Qytet Studenti, kërkojnë nxjerrjen e banorëve nga godina nr.15

Forca të shumta policie dhe të asaj Bashkiake kanë zbarkuar pasditen e sotme në Qytetin Studenti për të nxjerrë nga aty banorët që ndodhen prej vitesh në godinën nr.15.

Policia u ka kërkuar banorëve të dalin nga godina me pretekstin se në këtë godinë ka pasur dëme nga tërmeti i 26 nëntorit. Por familjarët kanë refuzuar urdhërin e Policisë, duke u shprehur se ndërtesa nuk ka pasur dëmtime.

Banorët janë përplasur me policinë pasi ajo ka mbërritur në orët e vona të pasdites, duke mos iu lënë hapësirë akomodimi diku tjetër. Banorët akuzojnë kryebashkiakun Erion Veliaj se po përfiton nga situata për t’i nxjerrë ata jashtë.