LIGJET E BIZNESIT
Pedagogia Iris Luarasi ka komentuar periudhën e vështirë që po kalon vendi ynë pas tërmetit të fuqishëm të 26 nëntorit.
E ftuar në programin “Rudina” Luarasi është shprehur se është gjendur afër njerëzve në nëvojë këto ditë dhe ka parë nga afër situatën.
Duke folur edhe për reagimin që ka bërë shteti në këto ditë, ajo u shpreh se e ka parë me sy kritik një ministre që u përlot.
Luarasi preferoi mos thoshte një emer, por me siguri e pati fjalën për deklaratën e Ministres së Mbrojtjes Olta Xhaçka teksa u përlot live kur lexonte emrat e viktimave nga tërmeti mes tyre dhe fëmijë.
Iris Luarasi shtoi se këtyre patetizmave tashmë u ka ikur koha dhe shqiptarët nuk kanë nevojë për një ministre që qan.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Një pjesë e tyre kanë lënë çdo gjë aty, kanë lenë kursimet e jetës. Kjo është një nga arsyet që unë them, që njerëzit tani më tepër kanë nevojë për dashuri, të ndihen të përkrahur dhe unë nuk mendoj se ju bën mirë që të dali një ministre dhe të qajë.
Nuk iu bën mirë njerëzve kjo, përkundrazi unë mendoj që njerëzve ju bën mirë një fjalë e ngrohtë dhe një njeri që është i fortë që të tregon se shteti ekziston, edhe këtu ne jemi të fortë për të të mbështetur.
Kështu që do isha shumë larg këtyre patetizmave që iu ka kaluar koha, edhe do doja që të shikoja vërtet njerëz që mbështesin me të gjitha forcat njerëzit në terren.
Nuk ka nevojë të qash, as në një studio televizive dhe as në një konferencë për shtyp, se kjo nuk i ndihmon njerëzit edhe nuk u’a bën më të lehtë dhimbjen. Kanë nevojë për siguri” , u shpreh ajo në studio.
