LIGJET E BIZNESIT
Presidenti Ilir Meta e ka nisur mëngjesin e sotëm me një mesazh të fortë drejtuar Forcave tona të Armatosura, që ky 107-vjetor i gjeti në krye të detyrës duke ndihmuar personat që u prekën nga tërmeti i fuqishëm i 26 nëntorit.
Me anë të një postimi në rrjetet sociale, Kreu i shtetit ka publikuar dhe një video ku shfaqet puna e Forcave të Armatosura pas ditëve që pasuan tërmetin tragjik dhe shprehet se është mirënjohës ndaj çdo burri dhe gruaje.
MESAZHI I PLOTE I PRESIDENTIT ILIR META
Me konsideratat më të larta, ju shpreh sot urimet më të ngrohta të gjithë burrave dhe grave në uniformë të Forcave tona të Armatosura, me rastin e 107-vjetorit të Ushtrisë Shqiptare!
Falenderim dhe mirënjohje për kontributet e vyera, përkushtimin heroik dhe sakrificat sublime për mbrojtjen e Atdheut dhe Sigurisë Kombëtare, për operacionet humanitare e paqeruajtëse, si dhe për garantimin e lirisë, paqes e stabilitetit kudo në botë, nën flamurin e NATO-s.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ky 107-vjetor, i gjen Forcat tona të Armatosura, në krye të solidaritetit dhe ndihmës për vëllezërit e motrat shqiptare të prekur rëndë nga pasojat e tërmetit tragjik, duke spikatur me profesionalizmin, përkushtimin dhe dashurinë për të shpëtuar banorët e mbetur nën rrënojat e kësaj fatkeqësie natyrore shkatërrimtare, që nxorri në pah dhe domosdoshmërinë e modernizimit të mëtejshëm të ushtrisë shqiptare.
Zoti i bekoftë ushtarakët shqiptarë!
Lavdi dëshmorëve që dhanë jetën për Atdhe dhe Flamur! ??
