Basha garanton strehimin e 600 banorëve, vëzhgon nga afër dëmet: Jeta mbi të gjitha

Ditën e sotme kryetari i Partisë Demokratike Lulzim Basha vizitoi sot qytetin e Kavajës.

Së bashku me kryetarin e Bashkisë së Kavajës, Isa Sakja ata vëzhguan nga afër dëmet e shkaktuara nga tërmeti i fuqishëm 6.4 ballë i 26 nëntorit.

Disa prej qytetarëve ndërkohë kanë shprehur shqetësimin e tyre se askush nuk ka shkuar të shohë dëmëet në banesë, dhe tregojnë se kanë frikë të rikthehen në shtëpi për shkak se kanë pësuar dëme të konsiderueshme.

“Kanë katër ditë që nuk vjen njeri ti shohë banesat, kurse sot 5 minuta para se të vinit ju, erdhën dhe i vendosen shiritat pallateve. Kemi katër ditë që flemë nëpër makina. Nuk po na japin një përgjigje që këtu do jetohet apo jo!”, tha një qytetar.

Banori tjetër tha: “Themelet këtu te ne kanë plasur, nuk hyhet brenda në shtëpi. Erdhën disa ekspert nga Kosova, por nuk na dhanë përgjigje nëse mund të rrimë apo jo. Ne po flemë nëpër makina, kalamaj i kemi nëpër makina”.

Nga ana tjetër Basha u përgjigj se qytetarët e Kavajës mund të strehohen në Elbasan derisa të verifikohen banesat e tyre.

Ai shtoi se kjo gjë duhej të ishte bërë dhe një vit më parë në Thumanë.

“E rëndësishme është mos me u fut brenda pa e vërtetuar, futesh apo nuk futesh dot.. Jeta është e para”, tha Basha, i cili shtoi se: “Unë do e ngre si problem. Unë sapo erdha nga Elbasani, miqtë tanë andej kanë hapur 600 vende për ju në qoftë se keni nevojë. E kuptoj që keni fëmijët në shkollë, por ndoshta deri të dielën mund t’i dërgoni. Ajo që ndodhi në Thumanë po të kishin vendos dhe ta kishin bërë siç duhet, aty s’duhet të ishin fut njerëz brena qysh vjet, sepse qysh atëherë ishte dëmtuar. Jeta mbi të gjitha, mos me rreziku fare”, u shpreh kryedemokrati.