Fat tragjik/ Doli nga burgu ku u dënua padrejtësisht, kush është i riu që vdiq nga tërmeti në Thumanë (EMRI)

Një nga personat që ka humbur jetën ditën e sotme për shkak të tërmetit të fuqishëm 6.4 ballë, është dhe i riu Kristian Preçi.

Lajmin e hidhur e ka bërë të ditur gazetarja Arjana Loce e Ora News, me anë të një reagimi në rrjetet sociale.

“Qofsh nje engjell ne parajse o Kristian Preçi. Me shpirt lutem sot per ty. Ka humbur jeten nga termeti ne Thumane, djaloshi i pafajshem qe u lirua nga burgu pas ndihmes qe kerkoi ne Boom,”- shkruan Loce.

Kristian Preçi është i riu që u mbajt padrejtësisht në burgun e Fushë Krujës për katër muaj, pasi akuzohet nga një grua se i kishte vjhdur celularin. Ai u lirua falë ndihmës së emisionit investigativ “Boom”, në muajin nëntor të vitit 2017 dhe u kompesua për burgim të padrejtë.