Meta me urgjencë në Thumanë: Situatë dramatike, ndihmë dhe solidaritet me banorët në nevojë

Pasojat shkatërrimtare të tërmetit 6.4 ballë mëngjesin e sotëm janë parë nga afër edhe nga presidenti Ilir Meta, i cili ndodhet në zonën më të prekur, në atë të Thumanës.

Shumë banesa janë shembur dhe numri i viktimave ka shkuar në dy në Thumanë.

Nëpërmjet një reagimi në rrjetet sociale presidenti Meta e konsideron këtë situatë si dramatike dhe bën thirrje që të gjithë të solidarizohen dhe të ndihmojnë banorët e prekur nga fatkeqësia natyrore.

“Situatë mjaft dramatike në Thumanë! Shpresojmë të tejkalohet me sa më pak humbje! Çdo përpjekje për të shpëtuar banorët nën rrënoja! Solidaritet dhe ndihmë për këdo që ka nevojë!”, shkruan Meta në Facebook.