Tërmeti i fuqishëm godet Shqipërinë si kurrë më parë, ja sa ballë ishte dhe epiqendra

Një tërmet i fuqishëm ka goditur sërish Shqipërinë rreth orës 04.00 të mëngjesit të sotëm.

Lëkundjet ishin tepër të forta dhe kanë shkaktuar një panik tepër të madh në rradhët e njerëzve, pjesa më e madhe e të cilëve kanë lënë banesat.

Sipas informacioneve paraprake, lëkundjet kanë patur një magnitudë 6.4 ballë të shkallës Rihter, me epiqendër 10 km nga Durrësi dhe 32 km nga Tirana.

Tërmeti është ndjerë dhe në vende të tjera të rajonit, si edhe në Itali.

Si pasojë e goditjes në shumë qytete mungon energjia elektrike.

Deri tani mësohet se ky është tërmeti më i fortë që ka goditur vendin tonë.

Faqja zyrtare e Institutit të Gjeoshkencës nuk është funksionale.

Kujtojmë se lëkundja e sotme ishte më e fortë sesa tërmeti i 21 shtatorit që kishte magnitudën 5.8 ballë të shkallës Rihter dhe shkaktoi dhjetra banesa të dëmtuara dhe shumë persona të plagosur.