Pak momente më parë një lëkundje tërmeti është regjistruar në Shqipëri.
Sipas informacioneve, epiqendra e tërmetit që ra rreth orës 22:00, ishte 16 km në veri-perëndim të Shijakut dhe 37 km në Perëndim të Tiranës.
Magnituda ishte 3.4 ballë e shkallës Rihter dhe thellësia 2 km.
Pas lëkundjeve që zgjatën vetëm disa sekonda, banorët janë përfshirë nga paniku dhe kanë dalë në rrugë.
Pas tërmetit të fortë 5.8 ballë më 21 shtator me epiqendër Durrësin, i cili shkaktoi dhjetra banesa të dëmtuara dhe disa të plagosur, janë shënuar edhe disa lëkundje të herëpashershme me intensitet më të vogël.
