“Nuk mbulohet injoranca, duhet me e tundë e me i thënë boll kësaj situate”, Reshat Arbana shpërthen kundër situatës në vend

Më 22 nëntor 1959 ka nisur procesi mësimor në gjimnazin Asim Vikshi në Tropojë, ku i ftuar special ka qenë aktori Reshat Arbana i vlerësuar me titullin “Nderi i Tropojës”.

Ai ka shpërthyer në mallkime për situatën në vend, veçanërisht për ndërtimin e HEC-it në Valbonë.

“Vriten njerëzit si qen rrugësh, njerëz që vrapojnë pas parasë si të uritur, djali që vret babën, intelektuali që na ka veshur kostum klasi, por për fatin e keq nuk ia mbulon injorancën. Mbase ne artistët vuajmë më shumë por jam i sigurt se të gjithë vuajmë. Na takon të gëzojmë njëri-tjertrin, kemi një vend që na ka fal Zoti gjithçka, pasuritë e nëntokës, të mbitokës, ujin, detin, malet, por s’po na del një burrë me na shkund e të na tundë. Të dalin njerëz t’i thonë boll kësaj situate. “Sa të kem frymë me ligjëru. E sa gjallë në jetë unë jam. Kurrë Shqypni s’kam më t’harru. Edhe në varr më t’përmend kam””, tha Arbana duke recituar vargjet e At Gjergj Fishtës.

Arbana ka dhënë edhe mesazhe për Lumin e Valbonës ku tha se po shkatërrohet nga mendjet e njerëzve.

“Më vjen keq ashtu si edhe ju, që kjo Valbonë e bukur për fatin e keq tonin e për mendjen e sëmurë të njerëzve po pengohet rrjedha e saj e po i prishet bukuria, gjynah prej Zotit. S’kemi çfarë themi, por e vraftë Zoti atë që i ka vënë firmën për me e bërë Valbonën në këtë situatë”, tha aktori i madh teksa ka vijuar të recitojë një vjershë të shkruar pikërisht për shkatërrimin e këtij lumi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern