Kryeministri i Shqipërisë Edi Rama ka publikuar ditën e sotme një video dhe foto duke e zhdukur nga Europa Kosovën si shtet të pavarur, duke e përfshirë atë si pjesë të Serbisë.
Rama e ka edituar më vonë videon, por reagimet nga Kosova nuk janë ndalur.Sipas një harte që e ja publikuar Rama në Facebook, i bie që Shqipëria kufizohet me Serbinë, e zyrtarë të LDK’së duan ta njoftojnë kryeministrin shqiptar se Kosova është shtet i pavarur, jo pjesë e Serbisë, shkruan Gazeta Express.
Një prej reagimeve të fundit, ka ardhur edhe nga zyrtari i lartë i Lidhjes Demokratike të Kosovës, Ismet Beqiri.
“Për ata që “nuk e dinë”, për Edin e Shqipërisë, Kosova shtet i Pavarur e sovran është shpallur më 17 shkurt 2008, me hartën dhe kufijtë e saj. Nuk habitem me turpin e tij të radhës”.
