Përfundon takimi ‘kokë më kokë’ i Metës me opozitën, flet aleati: Basha dhe presidenti do dalin më pas

Pas 90 minutave ka përfunduar takimi në Presidencë mes kreut të shtetit Ilir Meta dhe Lulzim Bashës së bashku me aleatët e tij në lidhje me krizën politike dhe kaosit të krijuar për Gjykatën Kushtetuese.

Mësohet se në takimin “kokë më kokë” ishin të pranishëm Lulzim Basha, Petrit Vasili, Dashamir Shehi, Agron Duka, Vangjel Dule, përfaqësues nga Partia Republikane dhe Lëvizja e Legalitetit.

Menjëherë pas takimit, Dashamir Shehi ka bërë një prononcim të shkurtër përpara gazetareve dhe ka deklaruar se vetë Ilir Meta dhe Lulzim Basha do të japin deklaratat zyrtare në lidhje me atë që u diskutua.

“Presidenca do të dalë vetë më një deklaratë të saj. Kjo është punë e gjatë shumë.Edhe zoti Basha do të mbajë një deklaratë më vonë, pasi të mbarojë takimin me ministrin e Jashtëm të Suedisë. Më mirë me ato letrat zyrtare që të mos bëhet rrëmujë” , u shpreh Dashamir Shehi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern