Pas ftesës së Ilir Metës, liderët e partive aleatë të Partisë Demokratike kanë mbërritur të parët në Presidencë.
Mësohet se në takimin që do të mbahet me presidentin Ilir Meta, ndodhen aktualisht kreu i PAA, Agron Duka, Nard Ndoka i PDK, Vangjel Dule i PBDNJ, Dashamir Shehi i LZHK-së dhe Arjan Madhi nga PR-ja.
Ndërsa pak minuta më pas ka shkuar dhe kryetari i Partisë Demokratike Lulzim Basha ndërsa kryetarja e Lëvizjes Socialiste për Integrim Monika Kryemadhi nuk ka dashur të shkojë vvetë, duke shmangur kështu dhe përballjen me të shoqin, por ka dërguar ish-kryetarin e grupit parlamentar Petrit Vasili.
Kujtojmë se presidenti Ilir Meta iu drejtua me një ftesë liderve të opozitës jashtë parlamentare ku i ftonte për një takim urgjent në lidhje me krizën politike në të cilën po kalon vendi tashmë prej kohësh.
“Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejt”, shkruhej në ftesën e Metës.
