“Katunari, të iki sa më parë” Nuk përmbahet Ceka, ‘shpërthen’ ndaj Borchardt: Kemi ambasadorë legena

Arkeologu dhe politikani i njohur Neritan Ceka mbrëmjen e djeshme ka folur me tone të ashpra për ambasadorin e OSBE-së në vendin tonë Bernard Borchardt.

I ftuar në programin “360 gradë” në RTV Ora, Ceka e cilësoi Borchardtin një katunar dhe se duhet të ikë sa më parë që pas gjestit ndaj banorëve të Astirit, ku ju nxorri gishtin e mesit pasi protestuan ndaj tij.

“Ky pretendonte që do bënte shtet dhe ja ku e kemi rezultatin e tij. Në 6 vjet që po sundon, shtet nuk kemi. Kemi një parlament qesharak, turpi i shqiptarëve, kemi marrëdhënie kombëtare që në përulin vazhdimisht. Kemi ambasadorë legena dhe bën mirë ai që e largon këtë… atë katundarin, të iki sa më parë nga Shqipëria(Borchard). Ai duhej larguar që atë ditë, duhej shpallur person nongrata. Këto janë gjëra që më prekin 30 vjet pasi kam luftuar për një vend që duhej bërë si të gjithë vendet e tjera të Evropës”, u shpreh Ceka.