Një nga librat që ka ngjallur një interes të madh në rradhët e publikut në edicionin e sivjetshëm në Panairin e Librit që po zhvillohet në Pallatin e Kongreseve në Tiranë, është dhe ai i Grida Dumës, që mban titullin “ Koha për Politikë”.
Te stenda ku është ekspozuar libri prej dy ditësh tashmë janë ndalur shumë vizitorë.
Fakti që i ka habitur të gjithë të pranishmit është se aty janë parë edhe shumë politikanë, pa dallim ngjyrash, të majtë e të djathtë bashkë.
Një prej tyre është dhe deputetja e Partisë Socialiste Blerina Gjylameti, e cila ka zgjedhur të marrë librin e Dumës së bashku me një dedikim.
Gjatë prezantimit të librit, autorja Grida Duma renditi disa hapa që duhet të merren për të përmirësuar klimën politike mjaft të trazuar kohët e fundit në shqipëri.
Duma ka propozuar parlament dy dhomësh, pra dhe Senat ku të përfshihen dhe personat që ajo i cilëson “mendjendritur”.
Ndërsa përsa i përket kandidatëve për deputetë, Grida Duma është shprehur se duhen bërë me lista të hapura dhe të zgjidhen nga populli.
