Kryetari i Partisë Demokratike Lulzim Basha ka vijuar takimin sot në Myzeqe me fermerët e Lushnjes dhe Divjakës ku ka folur edhe për vështirësitë që kjo kategori has dita ditës në punën e tyre.
Gjatë fjalës së Bashës, një qytetar ka folur duke thënë se kishte dëgjuar që Basha flinte gjumë por sipas tij kjo gjë nuk ka rezultuar që të ishte aspak e vërtetë.
“Kam dëgjuar nga njerëzit që kryetari Basha fle gjumë, po nuk qenka kështu”, ka thënë qytetari.
Ndërkohë Basha ka reaguar menjëherë duke mos kursyer përgjigjen e tij.
“Këta punë quajnë vjedhjen, po nuk vodhe këta thonë fle gjumë”, u shpreh Basha duke hedhur akuza të forta në drejtim të mazhorancës.
