Inagurimi i stadiumit “Arena Kombëtare” zbuloni këngëtarët që do të ndezin atmosferën para ndeshjes me Francën

Këtë të dielë, në stadiumin e ri “Arena Kombëtare” në Tiranë, që tashmë do të mbajë emrin “Air Albania Stadium” do të zhvillohet ceremonia e përurimit, ku do të perfomorjnë emra të njohur të muzikës dhe do të luhet dhe ndeshja e parë.

Skuadra e Shqipërisë do të përballet me kampionët e botës Francën, një ndeshje kjo e cila pritet me mjaft entuziazëm nga publiku.

Ndërkohë, janë zbuluar edhe emrat që do të marrin pjesë në ceremoninë e përurimit të stadiumit në spektaklin, e organizuar nga Ardit Gjebrea.

E para që do të hapë spektaklin do të jetë këngëtarja Era Istrefi, e cila do të performojë këngën zyrtare të FIFA World Cup 2018, “Live it up”.

Pas saj, Flori Mumajesi do të vijë me këngën “Kuq e Zi”, për t’u pasuar nga “Xhamadani vija vija”, që do të këndohet nga Aurela Gaçe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më tej, Juliana Pasha do të performojë “Himnin e flamurit”, ndërsa pas saj do ta mbyllë Besa Kokëdhima me himnin e Francës, “La Marseillaise”.

Ceremonia e përurimit do të mbahet në 20.30 ndërsa ndeshja Shqipëri-Francë do të nisë në orën 20.45.

Urojmë një fitore për kombëtaren tonë!