Një ditë pas betimit te noterja, Arta Vorpsi bën veprimin e papritur

Një ditë pasi u betua si anëtare e Gjykatës Kushtetuese te zyra e noteres Miranda Xhemalce në Tiranë, Arta Vorpsi ka bërë një tjeter lëvizje.

E zgjedhur automatikisht si e para në liste, Vorpsi iu ka kërkuar anëtarëve të tjerë të Gjykatës Kushtetuese Vitore Tusha, Besnik Muçi, Elsa Toska e Fiona Papajorgji që t’i njohin mandatin e anëtares së gjykatës kushtetuese.

Burime për ‘Balkanweb’ bëjnë me dije se pas diskutimeve, anëtarët e Gjykatës Kushtetuese ende nuk kanë marrë një vendim.

Mësohet se dy prej tyre janë shprehur se nuk janë ata autoriteti që mund të marrë një vendim të tillë dhe se Kushtetuta nuk iu jep tagër për këtë.

Më vonë pritet që Arta Vorpsi ta marrë këtë përgjigje dhe zyrtarisht në mënyrë individuale.