“Jam nusja e djalit të ministrit” zhvaste milionat për jetë luksi, kush është ‘ish-sekretarja’ e ministres socialiste e arrestuar për mashtrim

Detaje të tjera kanë dalë në lidhje me arrestimin e 33-vjeçares Amarilda Leka ditën e sotme në Tiranë, e cila ra në pranga me akuzën për mashtrim.

Mesa duket e reja e ka ushtruar prej kohësh këtë aktivitet të paligjshëm ku ka mashtruar disa persona në periudha të ndryshme kohore.

Në vitin 2015 Amarilda Leka është arrestuar pas denoncimeve të bëra nga shtetasit Liman Koçi dhe Zef Gjoka se u kishte marrë 70 mijë euro (24.500 euro nga Zef Gjoka dhe 42.500 euro nga Limian Koçi)

Më vonë Leka, e cila prezantohej si juriste paditi për “kanosje” këta dy persona.

Amarilda Leka asokohe ishte sekretare e shtabit elektoral të Partisë Socialiste dhe hiqej si sekretarja e ish-ministres së Inovacionit dhe Administratës Publike Milena Harito.

Por Harito doli me një deklaratë publike më 2 tetor 2015 duke u shprehur se Amarilda Leka nuk ishte sekretare e saj por thjesht aktiviste.

Për këtë akuzë Leka u dënua me 2 vite e 6 muaj burg.

Por ‘aventurat’ e Amarilda Lekës nuk mbarojnë këtu.

Gjithashtu ajo dikur ka përdorur emrin e ish-ministrit të Mbrojtjes Luan Hajdaraga duke premtuar se do të nxirrte nga burgu djalin e Liman Koçit.

E reja shprehej se ishte bashkëshortja e djalit të Hajdaragës.