Arta Vorpsi u betua te noterja, ironizon Presidenca: Meta nuk ndalon askënd të betohet as te parukierja

Pak pas betimit të anëtares së re të Gjykatës Kushtetuese Arta Vorpsi në zyrën e noteres, ka ardhur reagimi i zëdhënësit të Presidencës Tedi Blushi.

Me anë të një postimi në rrjetet sociale, Blushi ironizon duke e quajtur qesharak këtë proces teksa shkruan: “Presidenti i Republikës Sh.T.Z Ilir Meta nuk ndalon askënd të betohet as tek noterja, as tek parukierja”.

REAGIMI I PLOTE I TEDI BLUSHIT

Të dashur gazetarë,
Lidhur me pyetjet tuaja për një lajm qesharak që qarkullon në media, dua t’ju sqaroj se:
Presidenti i Republikës Sh.T.Z Ilir Meta nuk ndalon askënd të betohet as tek noterja, as tek parukierja.
Presidenti Meta është betuar me dorë mbi Kushtetutë dhe për të Shqipëria dhe shqiptarët janë të parët.??