LIGJET E BIZNESIT
Gazetari i njohur Ylli Rakipi ka folur sot pak përpara seancës gjyqësore ku do t ë përballej me padinë e kryeministrit Edi Rama, të ngritur ndaj tij për fyerje të personalitetit.
Përpara se të hynte në sallë, Rakipi dekloaroi se Rama ka zaptuar të gjitha institucionet e vendit.
Gazetari shtoi ndër të tjera se ka bërë dhe një kundërpadi për kryeministrin pasi ky i fundit e cilësoi me fjalët kazan dhe kadri.
“Është më shumë se regjim, ky kryeministër ka zaptuar të gjitha institucionet, në parlament ka një opozitë qesharake që voton çdo gjë që do ai, ka një regjim absolut, është një monark.
Unë nuk po shpif, unë vërtet mendoj kështu për zotin Rama, ai më kërkon që unë të mos kem mendimin që kam për të, unë do të thërras dhe ekspertët e gazetarisë, pasi kjo është një çështje etike.
Gjyqtarja që ka në dorë çështjen time ende ka në dorë Vetingun, dhe unë mendoj se e nderuara ka frikë, pasi Edi Rama ka në dorë institucionet e Vetingut. Unë kam besim te e nderuara po nga diktatura është për të pasur frikë.
Unë do të vijoj më tej me një kundërpadi, do ta çoj ankimimin deri në institucionet më të rëndësishme ndërkombëtare. Unë pyes drejtësinë nëse fjala kazan është fyerje për gazetarët, fjala kadri është fyerje për gazetarët? Ky njeri nuk lë rast pa fyer gazetarët’, tha Rakipi.
Ndërkohë që pavarësisht se sot pritet të ngrinte kundërpadi ndaj Ramës, seanca ndaj Rakipit është shtyrë për shkak se mungonte gjyqtarja Rezarta Balliu.
PADIA E RAMES NDAJ RAKIPIT
Padia e Ramës ndaj Rakipit
Nuk kanë qenë pakta akuzat e Rakipit ndaj Ramën, në emisionet e tij televizive. Madje ai e ka akuzuar Ramën se i ka mbyllur emisionin, apo se edhe vendin e kthyer në një regjim, ku nuk mungon korrupsioni. Rama pas akuzave ka paditur në gjykatë gazetarin për fyerje të personalitetit. Ky i fundit më 9 prill të këtij viti ka bërë një kundërpadi ndaj kryeministrit, në të cilën theksohet: për prishje të imazhit dhe ofendimit të gazetarëve. Rama nga ana tjetër e akuzon për fyerje të personalitetit.
