FOTO/ Zbulohet identiteti i 34-vjeçarit që u gjend i pajetë në qytetin e Vlorës

Një trup i pajetë është gjetur ditën e  sotme në lagjen “Kushtrimi” të Vlorës.

Bëhet fjalë për 34-vjeçarin, Kreshik Dushaj i cili u gjet i vdekur pranë banesës së tij. Viktima dyshohet se është vrarë me armë zjarri.

Disa orë pas ngjarjes, policia doli me njoftim zyrtar, ku tha se pas hetimeve paraprake, në trupin e 34-vjeçarit, konkretisht në pjesën e pasme të shpatullës, është konstatuar një plagë, e cila dyshohet të jetë shkaktuar nga armë zjarri.

34-vjeçari punonte në një firmë këpucësh në qytetin e Vlorës dhe nga ana e policisë nuk njihet si person me precedent penal. Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern