U gjet i pajetë sot në Vlorë, policia jep informacion për të riun: Ka plumb në shpatull (EMRI)

Ditën e sotme u gjet një trup i pajetë në lagjen “Kushtrimi” në Vlorë.

Policia e Vlorës ka dhënë informacionin zyrtar në lidhje me viktimën.

Mësohet se ai është 34-vjeçari Kreshnik Dashi, dhe ka një plumb në shpatull, i cili dyshohet se i ka shkaktuar vdekjen.

Për sa i përket informacioneve të tjera, viktima punonte në një fabrikë këpucësh. Ai nuk rezulton të ketë kryer vepra penale.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në lidhje me ngjarjen ku në orët e para të mëngjesit të sotëm u gjet një person i pajetë në afërsi të banesës së tij në lagjen “Kushtrimi”, ku nga veprimet paraprake rezultoi pa shenja dhune, ju informojmë se:

Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.

34 vjeçari punonte në një firmë këpucësh në qytetin e Vlorës dhe nga ana e Policisë nuk njihet si person me precedent penal.

Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.

Vijojnë hetimet e mëtejshme në bashkëpunim me Prokurorinë për sqarimin e rrethanave dhe vendosjen para përgjegjësisë penale të autorit/ve.