Deputetja e Opozitës së Re Majlinda Halilaj bëri xhiron e rrjetit pak javë më parë për shkak të fjalimit të saj mbi korporatat.
Teksa fliste për herë të parë nga foltorja e Kuvendit, Halilaj hasi shumë vështirësi për të lexuar atë që kishte në letër.
Deputetja e re e kishte pothuajse të pamundur që të lexonte në mënyrë të saktë fjalën “korporatë”.
Gjithashtu edhe CV e saj tërhoqi vëmendje pasi thuhej vetëm se kishte përfunduar shkollën e lartë dhe asgjë më tepër.
Edhe së fundmi Majlinda Halilaj ka tërhequr vëmendje por këtë rradhë për një temë tjetër, atë të pasurisë.
Në deklarimet që janë publikuar nga Open Data Albania të deputetëve të rinj që pranuan mandatet, bie në sy edhe deklarimi i Halilajt.
Mesa duket ajo është më e varfra në Kuvend, pasi disponon vetëm një makinë “Mercedes Benz” në vlerën 6.000 euro të përfituar si dhuratë nga babai i saj në mars 2018 dhe nuk ka në zotërim asnjë lloj pasurie tjetër.
