Emri i ish-ministrit të jashtëm Ditmir Bushati është lakuar së fundmi për afërsinë e tij me Albin Kurtin dhe qeverinë e re të Kosovës që do të formohet së shpejti.
Pikërisht për këtë fakt thuhet se Bushati mund të marrë aty një post të rëndësishëm.
Deri më tani qarkullojnë zërat se përveç Veton Surroit si alternativë për ministër të jashtëm të Kosovës në koalicionin LDK-Vetëvendosje përflitet edhe ish-ministri ynë i jashtëm Ditmir Bushati.
Bushati ka qenë një nga njerëzit që e ka kundërshtuar gjithmonë idenë e ndryshimit të kufinjve në Kosovë.
Sipas gazetës Ekspres shkruan se koalicioni i qeverisë së ardhshme po planifikon që ta emërojë ish-kryediplomatin si ministër i jashtëm në Kosovë.
Kujtojmë se në Shqipëri kohët e fundit ka patur një përplasje mes kryeministrit Edi Rama dhe Ditmir Bushati.
Që nga periudha që Ditmir Bushati u largua si koodinator, PS e Shkodrës tashmë ndodhet në një situatë të komplikuar.
Bushati tashmë është kthyer në një nga zërat më kritikë brenda rradhëve të socialistëve.
