Ditën e djeshme Partia Socialiste ka nisur takimin me strukturat në Parkun Olimpik nën moton “Ti Zgjedh” për t’u përgatitur për zgjedhjet e brendshme të partisë që do të mbahen me datë 16 nëntor.
E pranishme ishte dhe ministrja e Shtetit për Marrëdhëniet me Parlamentin Elisa Siropali, ku gjatë fjalimit të saj u shpreh se PS i duhet një mandat i tretë me Edi Ramën kryeministër.
Pas kësaj deklarate të Spiropalit ka ardhur edhe reagimi i nën-kryetarit të PD dhe ish-deputetit Edi Paloka.
Ai shprehet se shkaku që Spiropali kërkon një mandat të tretë lidhet me faktin e vjedhjes së shtëpisë së Spiropalit në fillim të këtij viti.
Me anë të një reagimi në rrjetet sociale, Paloka bën pyetjen se përse ministres i duhet një mandat i tretë dhe shton ndër të tjera duke ngritur dyshime të forta se ajo që kanë vjedhur hajdutët në shtëpinë e saj në janar të këtij viti nuk e lejon ministren që të bëjë denoncim në polici.
REAGIMI I PLOTE I EDI PALOKES
Pse i duhet Elisës një mandat i tretë ?
Mos vallë sepse në janar të këtij viti i hynë hajdutët në shtëpi?
Po nëse i vodhën shtëpinë, pse nuk ka një denoncim zyrtar në polici?!!
Çfarë kanë vjedhur hajdutët në shtëpinë e ministres së Ramës , ish-drejtoreshë e doganave, që nuk e lejon të bëjë denoncim në polici?!!
Prandaj i duhet një mandat i tretë, që të “kompensoj humbjet” dhe të barazohet prapë me kolegët?
