Avioni i dro.gës në Ishëm/ Prokuroria shqiptare rinis hetimet për “të fortët e Fushë-Krujës”

Çështja e avionit të drogës të rrëzuar në vitin 2016 në Ishëm duket se do të rikthehet përsëri për hetim.

Gazetarja Klodiana Lala tha se janë riaktivizuar hetimet lidhur me rrëzimin e tij i cili pilotohej nga italiani Guido Guidi.Ky i fundit ishte liruar me garanci pasuror prej 10 mijë eurosh.

Gazetarja Lala tha se Prokuroria shqiptare kishte dërguar letërporosi në Itali lidhur me ngjarjen dhe ka marrë përgjigje nga autoritetet fqinje një muaj e gjysmë më parë.

Në dosjen e mbërritur tashmë në drejtësinë shqiptare janë emrat dhe provat, që faktojnë trafikun e drogës. Bëhet fjalë për një grup të strukturuar kriminal, që ka organizuar trafikun e drogës Shqipëri-Itali.Një pjesë e këtyre personave, emrat e të cilëve janë tashmë në duart e prokurorëve shqiptarë, rezultojnë të jenë nga Fushë Kruja dhe të arrestuar më parë në vendin fqinj për trafik droge.