Mbrëmjen e djeshme u shoqërua në polici modelja e njohur shqiptare Kejvina Kthella pasi ka patur komunikime mes saj dhe të arrestuarit për atentatin ndaj prokurorit Arian Ndoja, Redjan Rraja.

Modelja u mor në pyetje dhe mësohet se ajo ka qëndruar për 10 orë në hetuesi për të dhënë dëshminë e saj.

Detajet i ka zbuluar gazetari Spartak Koka, i cili ishte i ftuar mbrëmë në emisionin “Opinion”.

“Vajza e showbizz-it është shoqëruar mbrëmjen e së martës dhe është mbajtur për 10 orë në policinë e Tiranës. Është marrë në pyetje për lëvizjen dhe aktivitetin e shtetasit redjan Raja”, u shpreh gazetari në studio.

Kujtojmë që ditën e djeshme 24-vjeçarja Kejvina Kthella shkoi në prokurori ku dhe iu sekuestrua telefoni pasi në tabulatet që u nxorën nga telefoni i Redjan Rrajës, kishte mesazhe të shumta me modelen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pritet që nga telefoni i saj të merren dhe të dhëna të tjera, të cilat mund të shërbejnë për të zbërthyer lëvizjet e Rrajës para dhe pas atentatit.

Ende nuk dihet marrëdhënia e Kthellës me 34-vjeçarin e arrestuar Redjan Rraja.