Pas arrestimit të Redian Rrajës, nipit të deputetit socialist Rrahman rraja, si i përfshirë ndaj atentatit mafioz në Durrës ndaj prokurorit Arian Ndoja, ka ardhur dhe reagimi i kryeministrit Edi Rama.
Nëpërmjet një reagimi në Twitter Rama shprehet se do t’i nxjerrë ‘ujin e zi’ foleve të krimit të organizuar dhe do të reagojnë frontalisht ndaj gjykatësve dhe prokurorëve të inkriminuar.
Rama gjithashtu ka përshendetur punën e Policisë së Shtetit për zbardhjen e ngjarjes kriminale si dhe shprehet se brenda muajit do të ketë një Ligj Special kundër personave të dënuar, akuzuar apo hetuar si brenda dhe jashtë Shqipërisë për krim të organizuar apo lloje të tjera krimesh të rënda.
