Ishte shpallur në kërkim, arrestohet ish-efektivi i FNSH (EMRI)

Mëngjesin e sotëm është arrestuar ish-efektivi i  FNSH Ardian Loci, i cili ishte shpallur në kërkim me akuzën për shpërdorim detyre.

Arrestimi i tij u bë pasi Gjykata e Apelit Shkodër e ka dënuar me 1 vit e 10 muaj burg më datë 21.06.2019 për veprën penale “Shpërdorimi i detyrës.”

NJOFTIMI ZYRTAR I POLICISE

Vijon puna për kapjen dhe ndalimin e personave të shpallur në kërkim.

Kapet dhe ndalohet një shtetas i shpallur në kërkim për shpërdorim detyre.

Nga strukturat e Drejtorisë Vendore të Policisë Shkodër, në bazë të informacioneve të marra në rrugë operative, është bërë kapja e personit të shpallur në kërkim, shtetasit Ardian Loci, 48 vjeç, banues në lagjen “Skenderbeg”, Shkodër.

Kapja dhe ndalimi i tij u bë pasi Gjykata e Apelit Shkodër, me vendim nr. 243, datë 21.06.2019 e ka denuar me 1 vit e 10 muaj burg, për veprën penale “Shpërdorimi i detyrës”.

Materialet iu referuan Prokurorisë së Rrethit Gjyqësor Shkodër për veprime të mëtejshme.