Analisti i njohur Lorenc Vangjeli ka komentuar atentatin e së premtes ndaj prokurorit Arian Ndoja në mbikalimin e Shkozetit.
Vangjeli ka folur për njërin prej 3 atentatorëvë që thuhet se kanë marrë pjesë në tentativën e vrasjes ndaj prokurorit Arian Ndoja.
I ftuar në programin “Opinion” Vangjeli tha se njëri prej tyre është ndaluar dhe emri i tij do të dalë për punë orësh, maksimumi nesër.
“Maksimumi nesër. Është punë orësh që të dalë emri i njërit prej atentatorëve. Është një personazh mjaft i njohur për Policinë e Shtetit. Dyshohet se është vrasës me pagesë. Por duroni, nesër do dalë emri i tij. Ai është ndaluar tashmë por pritet vetëm konfirmimi në mënyrë që të dalë emri i tij.
Shënjstra kanë qenë të dy, Ndoja dhe Land Muharremi. Ka qenë fat për atentatorët që i kishin në të njëjtën makinë. I vetmi i pafajshëm ka qenë shoferi Andi Maloku,”- tha Vangjeli.
