“A i bletë biletat?” Braçe ironi me tifozët për çmimet e kripura: Futbolli nuk është për hallexhinjtë! (FOTO)

Në lidhje me shitjen e biletave për ndeshjen e kombëtares kundër Francës që do të luhet në stadiumin “Arena Kombëtare”, ka ardhur edhe reagimi i zv.kryeministrit Erion Braçe.

Tifozët janë shprehur të revoltuar pasi për të blere biletat e ndeshjes me Francën është bërë e detyrueshme edhe blerja e biletave për ndeshjen kundër Andorrës.

Me anë të një postimi në Instastory, Braçe ‘thumbon’ keq FSHF-në , dhe u drejton një pyetje tifozëve, nëse ata janë të përgatitur për ndeshjen me Francën, të vlefshme për “Euro 2020”.

“A i bletë biletat për Francën? “Me të futme” apo si? Mos harroni, për ata “futbolli s’është për hallexhinj”!,” shkruan zv.kryeministri në postimin e tij.

Kujtojmë se pak kohë më parë zyrtari i FSHF-së, Arben Dervishaj, në një emision sportiv tha se: “Futbolli nuk është për hallexhinjtë”. Duke justifikuar kështu çmimet e larta të biletave në stadiumet shqiptare sidomos të atij të “Arenës Kombëtare.”