Konflikti brenda PS/ Veliaj nuk “mjaftohet” me bashkinë e Tiranës, kërkon të marrë Vorën e Agim Kajmakut

Kur Partia Demokratike denoncoi rastin e kryebashkiakut të Vorës, Agim Kajmaku maxhoranca filloi të  diskutonte të ardhmen e Bashkisë Vorë.

Menjëherë pas daljes së dokumentit që konfirmonte fajësinë e Kajmakut, u hodh një propozim i papritur. Bashkia e Vorës, sipas propozimit, nuk do të ekzistojë më. Do të ndahet mes Tiranës dhe Kamzës, duke e ulur në 60 numrin e Bashkive.

Ky propozim u ka shkuar strukturave socialiste lokale, si një projekt që do të marrë aprovimin e tyre. Më pas do të bëhet amendimi në Kuvend i Ligjit për Ndarjen Territoriale Administrative për të ndare kufijtë e Bashkisë.

Erjon Veliaj dhe Rakip Suli janë dy mbështetësit kryesorë të kësaj ideje që është hedhur vetëm 2 javët e fundit në strukturat e PS.

Nuk dihet si e ka pritur këtë propozim kryetari i PS dhe Kryeministri, por është e sigurtë se projekti është bërë gati për t’u shndërruar në amendament dhe për t’u votuar në Kuvend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern