Kërcënimi i Hajdarit, flet Halit Valteri: Ndodhi para 10 ditësh, kjo ngjarje bën ‘pis’ kostumin e deputetit

Ditën e sotme deputetja Rudina Hajdari bëri deklaratën tronditëse gjatë seancës parlamentare ku u shpreh se është kërcënuar në ambientet e Kryesisë së Kuvendit.

Në lidhje me këtë ngjarje ka folur dhe deputeti i grupit parlamentar demokrat, Halit Valteri.

Valteri shprehet se është në dijeni të këtij fakti dhe se Hajdari ka 10 ditë që është kërcënuar.

“Jam vënë në dijeni për ngjarjen në cilësinë nënkryetarit të grupit parlamentar demokrat. Në çdo grup pune, lindin mos marrëveshje për shak të punës. Rudina Hajdari ka 10 ditë që është kërcënuar.

Nuk dua ta komentoj, ja lë të gjithë këtë sqarim Hajdarit, i jep vetë shpjegimin e ngjarjes. Por e bën pis kostumin e deputetit”, tha Valteri.