“Më keni kërcënuar me sms” Gjuzi plas ‘bombën’, ia kthen Ruçi: Mos hajde me autoshkollë në parlament

Pas deputetes Rudina Hajdari e cila deklaroi në seancën parlamentare se ishte kërcënuar në zyrën e saj, një tjetër ligjvënës u shpreh se ishte kërcënuar me mesazhe.

Kujtim Gjuzi është përplasur me Kreun e Kuvendit duke thënë se ka marrë një sms kërcënues për veshjen dhe Ruci i është përgjigjur se nuk e ka kërcënuar por e ka kërkuar të zbatojë etikën dhe mos të ndalojë me autoshkollë te dera e parlamentit.

DEBATI I PLOTE

Gjuzi: Në seancën e kaluar keni shkelur rregulloren për Kostaq Papën dhe Kujtim Gjuzin. keni shkelur nenin 48.

Gramoz Ruci: Zotëri keni vërejtje për procesverbalin?

Gjuzi: Kam vërejtje për procesverbalin. Ke shkelur kodin e etikës. Çfarë kodi kam shkelur nga unë. Në orën 14:39 më ka ardhur sms kërcënuese për veshje, unë nuk kërcënohen nga askush. Edhe nuk ka zot none që t’më kërcënojë mua se s’të kam frikë as ty as kërkënd.

Ruçi: Unë nuk të kërcënoj për çështjen, të kërkoj të zbatosh etikën. Të kërkoj të mos ndalosh me autoshkollë te dera e parlamentit.