Deputetja e opozitës së re Rudina Hajdari ka bërë një deklaratë tronditëse gjatë seancës së sotme parlamentare.
Nga foltorja e Kuvendit gjatë fjalës së saj, Hajdari i ka kërkuar kryetarit Gramoz Ruci që të marrë masa përpara se të ketë ndonjë viktimë.
“Para pak ditësh u dërgova një shkresë për një kërkesë që të siguronia ambientet e Kuvendit dhe të Kryesisë. Nuk mund të ndodhë sot që deputetët të kërcënohen. E papranueshme që një femër të kërcënohet. Kam pasur raste që në zyrën time më kanë ardhur dhe më kanë kërcënuar. Ka ikur ajo kohë. Ju lutem, merrni masat para se të kemi ndonjë viktimë. Masat të jenë në kryesinë e kuvendit, asnjë deputet nuk duhet të hyjë pa u kontrolluar, të marrë të tjerë dhe të shantazhojë. Ju lutëm të merren masat” u shpreh Rudina Hajdari.
