Tenton të për.dhunojë të renë pasi hëngrën darkë bashkë, arrestohet elbasanlliu ‘i rrezikshëm’

Policia e Elbasanit ka arrestuar një 36-vjeçar  pasi ka tentuar të përdhunojë një 22-vjeçare.

Specialistët për Hetimin e Krimit në Komisariatin e Policisë Elbasan arrestuan në flagrancë, për veprën penale “Marrëdhënie seksuale me dhunë me të rritura” e mbetur në tentativë, shtetasin O. C., 36 vjeç, banues në Elbasan.

Sipas policisë, i arrestuari ka tentuar të kryejë marrëdhënie seksuale me një 22-vjeçare.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

Sipas “Balkanweb” vajza, e cila ishte emigrante në Itali kishte darkuar me 36-vjeçarin si dhe dy meshkuj të tjerë ku kishin konsumuar alkool për disa orë në një lokal në Elbasan.

Pas darkës, 36-vjeçari e kishte ftuar vajzën të kalonin natës së bashku porajo e ka refuzuar. Pasi kanë dalë nga lokali, ai ka tentuar të kryejë marrëdhënie me dhunë por vajza ka arritur të largohet dhe ka njoftuar policinë.