Mesa duket ditët e ngrohta me diell janë drejt fundit.
Tashmë ato i kanë lënë vendin reshjeve të shiut dhe temperaturave më të ulëta.
Meteoalb parashikon se java që vjen do të sjellë ulje të temperaturave duke shënuar rreth 6-7°C më pak se vlerat e kësaj fundjave, ndërsa të mërkurën dh ditët në vijim, priten edhe reshje shiu.
“Kjo fundjavë mbetet me kthjellime, por e freskët, kryesisht në orët e para të ditës dhe vonë në mbrëmje. Edhe java tjetër nis e kthjellët me rënie graduale të temperaturave, por të mërkurën dhe në vijim ditët e para të nëntorit, priten reshje në territor. Po ashtu, temperaturat vijojnë të ulen duke shënuar rreth 6-7°C më pak, se vlerat e kësaj fundjave”.
