Reforma zgjedhore/ PD zbulon emrat e anëtarëve që do të marrin pjesë në komision

Janë zbardhur emrat e anëtarëve të Partisë Demokratike që do të marrin pjesë në komisionin e posaçëm për hartimin e reformës zgjedhore.

Partia Demokratike do të marrin pjesë: Gazment Bardhi, Oerd Bylykbashi Ivi Kaso, Enkelejd Alibeaj, Çlirim Gjata, Endri Hasa dhe Arben Ristani.

Por gjithashtu nuk do të mungojnë edhe partitë e tjera të opozitës, të cilat do të kenë përfaqësuesit e tyre.

Mësohet se LSI-ja do të ketë tre përfaqësues. PR dhe PDIU do të kenë nga 2 përfaqësues, kurse PAA, PDK, LZHK, PBDNJ me nga 1 përfaqësues.

Komisioni i posaçëm pritet të zhvillojë mbledhje paraditen e së enjtes rreth orës 09:00. Në focus do të jetë hartimi dhe miratimi i reformës zgjedhore, që është një nga kushtet e vendosura nga Bundestagu gjerman për hapjen e negociatave të Shqipërisë me BE-në.