Ish-portieri i Vllaznisë dhe njëkohësisht ish-trajneri i Kombëtares së femrave në futboll, Armir Grima, i cili u arrestua me grupin Bajri, është liruar sot me vendim të Gjykatës së rrethit Shkodër.
Sipas verifikimit të bërë nga Prokuroria, Grima nuk ka kryer veprën penale të shitjeve të ndeshjeve për të cilën rrinte me masën ‘detyrim paraqitje’ prej muajsh.
Kjo ka bërë që ai të rikthehet në aktivitetin e tij normal.
Kujtojmë se Grima u arrestua në kuadër të operacionit “Volvo 4” si anëtar i grupit Bajri, i dyshuar se kishte marrë pjesë në trukimin e ndeshjes mes Vllaznisë B dhe skuadrës së Tërbunit të Pukës, por këto akuza nuk u provuan.
