Detaje nga aksidenti i Albin Kurtit dje në Tiranë, si ndodhi përplasja me makinën e policisë

Dalin detaje të reja nga aksidenti që ndodhi mbrëmë në rrugën e Rinasit, prane Kasharit në Tiranë, ku u përfshi eskorta që shoqëronte liderin e “Vetëvendosjes” , Albin Kurti.

Eskortës që po e shoqëronte mbrëmë Albin Kurtin i ka prerë rrugën një makinë që vinte nga rrugët dytësore, e cila ecte me shpejtësi të ulët.

Sipas informacioneve tre automjetet e tjera kanë frenuar në kohë, por makina me të cilën ecte Albin Kurti ka frenuar me vonesë duke u përplasur me automjetin e policisë.

Më pas Albini ka vijuar rrugën me një automjet tjetër drejt Tiranës, ku në orën 19:00 kishte planifikuar një takim te Millenium. Kurti arriti atje disa minuta me vonesë, dhe rreth orës 21:30 takimi ka përfunduar.

Aksidenti është konfirmuar dhe nga Lëvizja Vetëvendosje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Po ka pasur një aksident të lehtë, por pa lëndime në njerëz. S’është askush i lënduar”, thuhet në njoftimin e VV-së.